İQTİSADİYYAT


Dövlət Neft Fondu bu il 2,8 ton qızıl alıb

Bakı, 19 iyul, Nihad Budaqov, AZƏRTAC

Azərbaycan Respublikası Dövlət Neft Fondu (ARDNF) cari ildə 2,8 ton qızıl alıb.

Bu barədə AZƏRTAC-ın sorğusuna cavab olaraq ARDNF-dən bildirilib.

“2017-ci ilin sonuna Neft Fondunun investisiya portfelində qızılın ümumi miqdarı 30 ton 174,9 kiloqram (970 145,51 troya unsiyası) olub. Cari ildə London Qiymətli Metallar Bazarı İştirakçılarının Assosiasiyasının market-meyker üzvü olan banklardan əlavə olaraq 2 ton 799,31 kiloqram (90 000 troya unsiyası) alınması ilə ARDNF-in investisiya portfelinə daxil olan qızılın ümumi miqdarı 2018-ci il iyunun 30-na 32 ton 974,21 kiloqram (1 060 145,51 troya unsiyası) və yaxud 1 milyard 326,5 milyon ABŞ dolları təşkil edib. Əlavə olaraq qeyd etmək istərdik ki, ARDNF-in investisiya siyasəti ilə nəzərdə tutulan xüsusi çəki çərçivəsində qızıl investisiyalarının davam etdirilməsi nəzərdə tutulur”, - deyə Dövlət Neft Fondunun açıqlamasında qeyd olunur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.