İQTİSADİYYAT


Dövlət Neft Fondu ikinci rübdə 24 tonadək qızıl alıb

Bakı, 2 avqust, Nihad Budaqov, AZƏRTAC

Azərbaycan Respublikası Dövlət Neft Fondu (ARDNF) cari ilin ikinci rübündə 24 tonadək qızıl alıb.

AZƏRTAC Neft Fondunun 2019-cu ilin ilk 6 ayı üzrə investisiya fəaliyyətinin yekunlarına dair hesabatına istinadla xəbər verir ki, bu il iyunun 30-na ARDNF-in investisiya portfelində qızılın ümumi miqdarı 95,47 ton olub. İlin birinci rübünün sonuna olan məlumata görə isə Dövlət Neft Fondunun investisiya portfelində qızılın ümumi miqdarı 71,75 ton idi. Beləliklə də, Neft Fondu bu ilin aprel-iyun aylarında 23,72 ton qızıl alıb.

Ümumilikdə, ötən ilin sonu ilə müqayisədə ARDNF cari ildə 44,52 ton qızıl alıb.

Qeyd edək ki, hazırda qızıl investisiyaları Neft Fondunun investisiya portfelinin 10,3 faizini (ABŞ dolları portfelinin isə 4 milyard 356,4 milyon dollarlıq hissəsi) təşkil edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.