CƏMİYYƏT


Dövlət Sərhəd Xidməti: Ermənistanla sərhədi pozan şəxs ruhi əsəb xəstəsidir

Bakı, 16 mart, AZƏRTAC 

Ermənistanın bəzi kütləvi informasiya vasitələrində Azərbaycan Respublikası vətəndaşının sərhəd pozucusu qismində saxlanılması barədə məlumat yayılıb.

Bu məlumatla əlaqədar Dövlət Sərhəd Xidməti bildirir ki, martın 15-dən 16-na keçən gecə Azərbaycan Respublikası ərazisindən müqabil istiqamətdə 1 nəfər naməlum şəxsin dövlət sərhədini pozması qeydə alınıb.

Dövlət Sərhəd Xidmətinin mətbuat mərkəzindən AZƏRTAC-a bildiriblər ki, həmin şəxsin Qazax rayonunun Yuxarı Salahlı kənd sakini, 1986-cı il təvəllüdlü İbrahimov Elvin Arif oğlu olması müəyyən edilib.

Araşdırma zamanı həmin şəxsin ruhi əsəb xəstəliyi ilə əlaqədar 2-ci qrup əlil olması məlum olub.

Hazırda araşdırma işləri davam edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.