CƏMİYYƏT


Dövlət Sərhəd Xidməti Хəzər dənizində nəzarətin gücləndirilməsi istiqamətində tədbirləri dаvаm еtdirir

Bakı, 21 iyun, AZƏRTAC

Dövlət Sərhəd Xidməti (DSX) dəniz sərhədlərinin еtibаrlı mühafizəsinin təmin edilməsi, Хəzər dənizində rеjim qаydаlаrınа nəzarətin gücləndirilməsi istiqamətində zəruri tədbirləri dаvаm еtdirir.

DSX-nin mətbuat mərkəzindən AZƏRTAC-a bildiriblər ki, iyunun 15-də Neftçala şəhər sakini Babayev Elmar Əlisahib oğluna məxsus “bayda” tipli üzmə vasitəsinin Xızı rayonunun Giləzi qəsəbəsi istiqamətindən dənizə çıxaraq qanunsuz balıq ovu ilə məşğul olması barədə məlumat daxil olub. Xidmətin Sahil Mühafizəsi tərəfindən müvafiq tədbirlər görülüb, həmin istiqamətə sərhəd gözətçi gəmiləri göndərilib, texniki müşahidə avadanlığı və radarlar vasitəsilə dənizə çıxan üzmə vasitələrinin hərəkəti nəzarətə götürülüb.

Dövlət sərhədinin gücləndirilmiş üsulla mühafizəsi təşkil olunaraq ərazidə əlavə sərhəd heyəti yerləşdirilib. Dənizə qanunsuz qaydada çıxmış üzmə vasitəsinin aşkarlanaraq saxlanılması istiqamətində zəruri əməliyyat-axtarış tədbirləri həyata keçirilib. Nəticədə həmin qayığın dövlət sərhədini pozaraq Xəzər dənizinin Azərbaycan Respublikasının ərazi sularından 192 mil (355 kilometr) məsafədə Rusiya Federasiyası və 211 mil (390 kilometr) məsafədə Qazaxıstan Respublikasının sektorunda qanunsuz nərə cinsli balıqların ovu ilə məşğul olması müəyyənləşdirilib.

Əldə edilmiş məlumatlara əsasən, Sahil Mühafizəsinin əməliyyat-axtarış qrupu tərəfindən Xızı rayonunun Giləzi qəsəbəsi yaxınlığında quruda və dənizdə xidmət təşkil edilib.

İyunun 19-da sааt 21:00 radələrində həmin ərazidə aşkarlanan üzmə vasitəsi üç nəfər heyət üzvü ilə birlikdə saxlanılıb. Qayığa baxış zamanı içərisində ovlanması qadağan edilmiş 620 kiloqram çəkidə 106 nərə cinsli balıq aşkarlanıb. Sахlаnılmış şəxslərin Astara rayon sakini 1976-cı il təvəllüdlü Mirzəyev Bəhruz Abutalıb oğlu, Neftçala rayon sakinləri 1963-cü il təvəllüdlü Əhmədov Raqib Novruz oğlu və 1985-ci il təvəllüdlü Bəxtiyarov Xəyal Fərhad oğlu olmaları müəyyənləşdirilib.

Əməliyyat-axtarış tədbirləri zamanı qayığı sahildə qarşılamağa gəlmiş “Opel Astra” markalı 99-SN-577 və “ZİL” markalı 01-BH-619 dövlət nömrə nişanlı аvtоmоbillərdə üzmə vasitəsinin sahibi Babayev Elmar Əlisahib oğlu və digər üç nəfər - Abşeron rayon sakinləri 1998-ci il təvəllüdlü Mürşüdov Qismət İltifaq oğlu, 1997-ci il təvəllüdlü Müştaqov Fərzalı Növcavan oğlu və 1984-cü il təvəllüdlü İmaniyev Hövsət Pərvaz oğlu da saxlanılıblar.

Faktla bağlı Azərbaycan Respublikasının Baş Prokurorluğunun əməkdaşları ilə birlikdə əməliyyat-istintaq tədbirləri dаvаm еtdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.