İQTİSADİYYAT


Dövlət Vergi Xidməti: Sosial sığorta ödəmələri 4,6 milyard manat olub

Dövlət Vergi Xidməti: Sosial sığorta ödəmələri 4,6 milyard manat olub

Bakı, 17 yanvar, AZƏRTAC

2022-ci ildə muzdlu işçi sayının və əməkhaqqı fondunun “ağarması” prosesi şəraitində məcburi dövlət sosial sığorta haqları üzrə daxilolmalar 4,6 milyard manat olmaqla ötən illə müqayisədə 19,2 faiz və ya 737,8 milyon manat artıb.

AZƏRTAC Dövlət Vergi Xidmətinə istinadla bildirir ki, qeyri-büdcə təşkilatları üzrə daxilolmalar 2021-ci illə müqayisədə 19,2 faiz artaraq 2,9 milyard manatdan çox təşkil edib.

İşsizlikdən sığorta haqları üzrə daxilolmalar ötən illə müqayisədə 19 faiz artıb və 160,2 milyon manat olub. Qeyri-büdcə təşkilatları üzrə daxilolmalar 17,5 faiz artaraq 116,5 milyon manat təşkil edib.

İcbari tibbi sığorta haqları üzrə daxilolmalar 2021-ci illə müqayisədə 38,1 faiz artıb və 822,2 milyon manat olub. Qeyri-büdcə təşkilatları üzrə daxilolmalar isə 47,4 faiz artaraq 563,9 milyon manat təşkil edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.