ELM VƏ TƏHSİL


Dövlət qulluğu üzrə imtahanda uğur qazananların əksəriyyəti gənclərdir

Bakı, 16 sentyabr, AZƏRTAC 

İmtahanda müvəffəqiyyət əldə edən 516 nəfər (təqribən 82,4 faiz) 20-29 yaş intervalında olan namizədlərdir.

AZƏRTAC xəbər verir ki, bu, inzibati icraçı vəzifələrə (B növü) aid olan vəzifə qrupları üzrə Dövlət İmtahan Mərkəzi tərəfindən sentyabrın 10-da keçirilmiş imtahanda iştirak etmiş namizədlərin yaş kateqoriyası və gender aspektləri haqqında statistik məlumatlarda əksini tapıb.

Yuxarı yaş qrupları (45-64 yaş intervalı) üzrə 21 nəfər (10 kişi, 11 qadın) qeydiyyatdan keçsə də, imtahanda yalnız 6 nəfər (1 kişi, 5 qadın) uğur əldə edib. Ümumiyyətlə, imtahanda iştirak edən 40 yaşdan yuxarı namizədlərdən yalnız 8-i uğur qazanıb. 30-39 yaş intervalında isə 102 nəfər (40 kişi və 62 qadın) lazım olan balı toplaya bilib.

İmtahanda uğur qazanan namizədlərin 595 nəfəri, yəni təqribən 95 faizi yaşı 34-ə qədər olan insanlardır. 35-64 yaş intervalında olan və imtahanı uğurla keçən namizədlərin sayı 31 nəfərdir.

Xatırladaq ki, imtahanda iştirak etmək üçün qeydiyyatdan keçmiş 1417 namizəddən 626 nəfəri (44,2 faiz) müvəffəqiyyət əldə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.