ELM VƏ TƏHSİL


Dövlət qulluğu üzrə müsahibədə 200-dək namizəd uğur qazanıb

Bakı, 17 sentyabr, AZƏRTAC

Ümumilikdə 35 dövlət orqanında 623 vakant vəzifənin (B növü üzrə) tutulması üçün Dövlət İmtahan Mərkəzi (DİM) tərəfindən yanvarın 13-də elan olunmuş müsabiqə üzrə müsahibə davam edir.

AZƏRTAC DİM-in sentyabrın 17-si saat 11:25-ə olan göstəricilərinə əsasən xəbər verir ki, müsahibədə indiyədək 198 nəfər uğur qazanıb. Onlardan 67-si Dövlət Statistika Komitəsində, 34-ü Kənd Təsərrüfatı Nazirliyində, 21-i Əmək və Əhalinin Sosial Müdafiəsi Nazirliyində, 18-i Gənclər və İdman Nazirliyində, 11-i Ekologiya və Təbii Sərvətlər Nazirliyində, 10-u Energetika Nazirliyində, yerdə qalanlar isə məhkəmə orqanlarında müxtəlif vəzifələrə uyğun biliniblər.

Xatırladaq ki, müsahibədə iştirak etmək üçün 2710 nəfər sənəd verib. Müsahibə oktyabrın 7-də başa çatacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.