DÜNYA


“Dubay EXPO 2020”də 192 ölkə iştirak edəcək

Əbu-Dabi, 26 aprel, AZƏRTAC

“Dubay EXPO 2020”nin təşkilat komitəsi beynəlxalq sərgidə 192 ölkənin iştirakını təsdiqlədiyini bəyan edib.

AZƏRTAC xəbər verir ki, “Dubay EXPO 2020”nin yaydığı rəsmi açıqlamada Birləşmiş Ərəb Əmirliklərinin (BƏƏ) bu sərgiyə bütün ölkələri dəvət etdiyi bildirilir. Vurğulanır ki, BƏƏ bu sərgini əsl beynəlxalq hadisəyə və platformaya çevirmək niyyətindədir.

Qeyd olunur ki, 170 il ərzində dünyada EXPO sərgiləri siyasətdən kənar olmaqla, innovasiyaların, mədəni mübadilənin, yaradıcılıq və əməkdaşlığın təşviqinə yönəlib.

Xatırladaq ki, Azərbaycan “EXPO 2020”də iştirakını təsdiqləyən ilk ölkələrdən biri olub.

“Zehinləri birləşdirək, gələcəyi quraq” mövzusunda bu il oktyabrın 20-dən 2021-ci il aprelin 21-dək keçiriləcək “Dubay EXPO”nu 25 milyon nəfərin ziyarət edəcəyi gözlənilir.

Asya Hacızadə

AZƏRTAC-ın xüsusi müxbiri

Əbu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.