DÜNYA


Dubay polisi “ağıllı” polis avtomobillərini təqdim edib

Əbu-Dabi, 26 noyabr, AZƏRTAC

Dubay polisi ən müasir və texniki cəhətdən dünyada ən mükəmməl polis patrul avtomobillərinin yeni nəslini təqdim edib.

AZƏRTAC Dubay KİV-lərinə istinadla xəbər verir ki, yolsuzluq şəraiti üçün nəzərdə tutulan bu avtomobillər süni intellekt texnologiyaları ilə, o cümlədən insanları üzdən tanıma vasitələri ilə təchiz olunub. Sensor ekranlar və müasir rabitə vasitələri quraşdırılmış bu avtomobillər axtarışda olan nəqliyyat vasitələrinin nömrə nişanlarını tanımağa və komanda məntəqəsi ilə operativ əlaqə saxlamaq üçün imkan verir.

Cinayətkarlığa qarşı mübarizədə bu cür avtomobillərdən istifadə edilməsi daim müasir texnologiyalar tətbiq etməklə öz fəaliyyətini təkmilləşdirən Dubay polisinin işini xeyli asanlaşdıracaq.

Asya Hacızadə

AZƏRTAC-ın xüsusi müxbiri

Əbu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.