DÜNYA


Dubay polisi dəbdəbəli doğum günü məclisi keçirən aktrisanı həbs edib

Qahirə, 21 sentyabr, AZƏRTAC

Dubayda çoxlu sayda qonaqların iştirakı ilə restoranda dəbdəbəli doğum günü şənliyi keçirən ərəb aktrisa həbs edilib.

AZƏRTAC xəbər verir ki, bu barədə Əmirliyin polis rəisi “Əl Ərəbiyə” telekanalına bildirib.

Adı şərti olaraq M.H. kimi təqdim edilən aktrisa sosial şəbəkələrdə doğum günü məclisindən videogörüntülər paylaşıb. Həmin videomaterialda qonaqların qapalı məkanda qoruyucu maska taxmadıqları və sosial məsafə saxlamadıqları müəyyənləşdirilib. Dubay Əmirliyində karantin qaydalarını pozanlara qarşı 10 min dirhəm məbləğində cərimə tətbiq olunur.

Birləşmiş Ərəb Əmirliklərində toy və yas mərasimlərində 10 nəfərdən artıq insanın iştirakına icazə verilmir.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.