DÜNYA


Dubay polisi dəyəri 20 milyon dollar olan oğurlanmış brilyantı öz sahibinə qaytarıb

Əbu-Dabi, 27 iyul, AZƏRTAC

Dubay polisi yerli şirkətin anbarından oğurlanmış iri brilyantı tapıb və öz sahibinə qaytarıb.

AZƏRTAC Dubay KİV-lərinə istinadla bildirir ki, çəkisi 9,33 karat, dəyəri 20 milyon dollar olan qiymətli daş mayın 25-də oğurlanıb. Hadisə Dubaydakı sərbəst iqtisadi zonalardan birinin ərazisində baş verib.

Qeyd edilir ki, oğurlanmış daş dəniz yolu ilə ayaqqabı qutusunda Şri-Lankaya göndərilibmiş. Ciddi təhqiqatdan sonra polis bu daşı öz sahibinə qaytarmağa nail olub.

Hadisəni törətməkdə şübhəli bilinən valyutadəyişmə məntəqəsinin işçisi BƏƏ-də həbs edilib. Asayiş keşişçiləri bu cinayətin açılması əməliyyatını həyata keçirmək üçün videomüşahidə kameralarının 8620 saatlıq yazısını araşdırmalı və təxminən 120 nəfəri istintaq etməli olub.

Asya Hacızadə

AZƏRTAC-ın xüsusi müxbiri

Əbu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.