DÜNYA


Dubayda iki əcnəbi lotereyada hərəyə 1 milyon dollar qazanıblar

Abu-Dabi, 2 noyabr, AZƏRTAC

50 yaşlı hindli ekspat (əcnəbi işçi) “Dubai Duty Free” lotereya oyununun növbəti tirajı nəticəsində dollar milyonçusuna çevrilib.

AZƏRTAC “GulfNews” nəşrinə istinadən xəbər verir ki, artıq 27 ildir Birləşmiş Ərəb Əmirliklərində yaşayan bu şəxs Abu-Dabidəki şirkətlərin birində əməliyyatçı-menecer işləyir. Hər dəfə təyyarə ilə yola çıxanda azı 1 ədəd 1000 dirhəmlik (272 dollar) lotereya bileti almaq adəti bu dəfə ona uduş qazandırıb. Özünün hesablamalarına görə, milyonu udanadək o, 10 il ərzində təxminən 20 min dirhəmdən 40 min dirhəmədək (5,4 min -10,9 min dollar) sərf edib.

Lotereyanın digər qalibi Yaponiyanın 47 yaşlı vətəndaşı Yasunobu Yamadadır. O, lotereya biletini Almaniyaya uçarkən alıb. Dubaya ikinci dəfə səfər edən Yamada təsəvvürünə gətirə bilməzdi ki, bu səfər onu bir anda milyonçuya çevirə bilər.

Tirajın daha iki qalibi çox bahalı “Aston Martin Rapide” markalı avtomobil və “BMW R Nine T Racer” motosikli qazanıblar.

Asya Hacızadə

AZƏRTAC-ın xüsusi müxbiri

Abu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.