DÜNYA


Dünya Bankı vaksinasiya üçün Tacikistana təmənnasız olaraq 8,63 milyon dollar ayırıb

Düşənbə, 16 fevral, AZƏRTAC

Dünya Bankı COVID-19 virusuna qarşı vaksinasiya üçün Tacikistana təmənnasız olaraq 8,63 milyon dollar ayırıb.

AZƏRTAC Tacikistan mətbuatına istinadla xəbər verir ki, vaksinlərin alınması və çatdırılması BMT-nın Uşaq Fondu-UNICEF xətti ilə həyata keçiriləcək.

Bildirilir ki, vəsait beynəlxalq səviyyədə tanınan vaksinlərin alınmasına xərclənəcək. İlk növbədə, əhalinin yaşlı təbəqəsi, tibb işçiləri, müəllimlər, xroniki xəstəlikləri olanlar peyvənd ediləcək.

Dünya Bankının Tacikistandakı nümayəndəsi Peter Olters bildirib ki, bu layihə ölkədə vaksinasiya proqramının həyata keçirilməsi istiqamətində mühüm addım olacaq, bununla belə əhalinin bütün təbəqələrini peyvənd etmək üçün xüsusi qurumun yaradılmasına başlanılacaq.

Qulu Kəngərli

AZƏRTAC-ın xüsusi müxbiri

Düşənbə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.