İDMAN


Dünya birinciliyi: Daha iki boksçumuz dörddəbir finala vəsiqə qazanıb

Bakı, 18 aprel, AZƏRTAC

Polşanın Keltse şəhərində gənc boksçular arasında dünya birinciliyi davam edir.

AZƏRTAC xəbər verir ki, mundialın beşinci günündə Azərbaycan millisinin 2 üzvü rinqə çıxıb. İlk görüşündə Maksat Jusipovu (Qırğızıstan) mübarizədən kənarlaşdıran boksçumuz Əzrək Bəbirov (59 kiloqram) səkkizdəbir final çərçivəsində tailandlı Panuvat Çunjan-Atlana da qalib gəlib. Boksçumuz rəqibini 5:0 (30:27, 30:27, 30:27, 30:27, 30:27) hesabı ilə məğlub edib. Ə.Bəbirov dörddəbir finalda Aleksey Şendrixlə (Rusiya) qarşılaşacaq. Görüş aprelin 19-da keçiriləcək.

Millimizin digər üzvü – Nicat Hüseynov (49 kiloqram) debüt qarşılaşmasında Allan Morozovu (Estoniya) sınağa çəkib. Səkkizdəbir final çərçivəsində təşkil olunan döyüşdə həmyerlimiz qələbə qazanmaqda çətinlik çəkməyib – 5:0 (30:25, 30:25, 30:27, 29:27, 29:26). Onun dörddəbir finalda rəqibi macarıstanlı Levent Eqedus olacaq. N.Hüseynov da növbəti döyüşünə aprelin 19-da çıxacaq.

Qeyd edək ki, bundan əvvəl Əli Zamanov (52 kiloqram) dörddəbir, Cəlal Qurbanovla (60 kiloqram) Murad Allahverdiyev (81 kiloqram) səkkizdəbir finala yüksəliblər.

Komandamız yarışda 9 idmançı ilə təmsil olunur. Dünya birinciliyi aprelin 23-də başa çatacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.