Dünya çempionatı: Qadın həndbolçulardan ibarət millimizin rəqibi müəyyənləşib

Bakı, 29 iyun, AZƏRTAC

Qadın həndbolçular arasında 2023-cü ildə keçiriləcək dünya çempionatının birinci təsnifat mərhələsinin püşkü atılıb.

Azərbaycan Həndbol Federasiyasının mətbuat xidmətindən AZƏRTAC-a bildiriblər ki, Avstriyanın paytaxtı Vyanada keçirilən mərasimdə Azərbaycan millisinin də rəqibi bəlli olub. Yığmamız bu mərhələdə Portuqaliya seçməsi ilə qarşılaşacaq.

İlk görüş noyabrın 2-3-də Bakıda, cavab matçı isə 1 həftə sonra səfərdə olacaq.

Qeyd edək ki, birinci təsnifat mərhələsində 18 komanda mübarizə aparacaq.

Doqquz cütün qalibi pley-offa yüksələcək.