İDMAN


Dünya çempionatı: Üç boksçumuz döddəbir finala vəsiqə qazanıb

Bakı, 1 noyabr, AZƏRTAC

Serbiyanın paytaxtı Belqradda boks üzrə dünya çempionatında səkkizdəbir final mərhələsinə start verilib.

AZƏRTAC xəbər verir ki, mərhələnin ilk günündə Azərbaycan millisinin dörd üzvü rinqə çıxıb.

Boksçumuz Alfonso Dominqes (86 kq) AİBA bayrağı altında çıxış edən Tavfiqulla Suleymanidən sonra rumıniyalı Pol Aradoae ilə qüvvəsini sınayıb. Avropa Oyunlarının qalibi bu dəfə də rəqibini 5:0 hesabı ilə məğlub edib. O, dörddəbir finalda rusiyalı Şarabutdin Atayevlə döyüşəcək. Görüş noyabrın 2-də baş tutacaq.

Yonas Yazeviçiusi (Litva) mübarizədən kənarlaşdıran Məhəmməd Abdullayev (+91 kq) isə səkkizdəbir finalda Vladan Babiçlə (Serbiya) üz-üzə gəlib. Təmsilçimiz döyüşü 5:0 hesabı ilə aktivinə yazıb. O, noyabrın 2-də təşkil olunacaq dörddəbir finalda hindistanlı Narender münasibətinə aydınlıq gətirəcək.

Sərxan Əliyev (71 kq) startda Stefen Nevnsi (Şotlandiya) məğlub etdikdən sonra Yuta Akiyama (Yaponiya) ilə qüvvəsini sınayıb. Görüş boksçumuzun qələbəsi ilə yekunlaşıb – 5:0. O da növbəti döyüşünü noyabrın 2-də keçirəcək. S.Əliyevin rəqibi ABŞ təmsilçisi Obed Barti olacaq.

İlk iki qarşılaşmada, müvafiq olaraq Çarles Petit-Homm (Haiti) və Simone Spada (İtaliya) üzərində qələbə qazanan Tayfur Əliyev (60 kq) isə üçüncü sınağında Arslan Xatayevə (Finlandiya) məğlub olduğu üçün mundialla vidalaşıb.

Komandamız dünya çempionatına 9 boksçu ilə qatılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.