İDMAN


Dünya çempionatı: kumite üzrə komandamız bürünc medal uğrunda görüşdə iştirak hüququ qazanıb

Bakı, 19 noyabr, AZƏRTAC

Dubayda keçirilən karate üzrə dünya çempionatında Azərbaycanın kumite komandası bürünc medal uğrunda görüşə vəsiqə qazanıb.

Azərbaycan Milli Karate Federasiyasının mətbuat xidmətindən AZƏRTAC-a bildiriblər ki, yarışda Xorvatiya, Hindistan, Yaponiya komandalarını məğlub edən kişilərdən ibarət kumite millimiz növbəti mərhələdə Serbiya yığmasına uduzub. Təsəlliverici görüşdə Makedoniya komandasından üstün olan karateçilərimiz bürünc medal uğrunda Özbəkistan seçməsi ilə qarşılaşacaq.

Xatırladaq ki, qadın milli komandamız isə ilk görüşdə italiyalı rəqibinə uduzub. Kata milli komandamız da mübarizəni medalsız başa vurub.

Qeyd edək ki, Azərbaycan çempionata 17 karateçi ilə qatılıb. İdmançılarımızdan İrina Zaretska (68 kq) finala yüksəlib, Asiman Qurbanlı (+84 kq) isə bürünc medal uğrunda görüşdə iştirak hüququ qazanıb. Çempionata noyabrın 21-dək davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.