İDMAN


Dünya çempionatının yarımfinal öncəsi Xorvatiya millisində itki

Bakı, 10 iyul, AZƏRTAC 

Xorvatiya milli komandasının və İspaniyanın “Atletiko” klubunun futbolçusu Şime Vrsalko dünya çempionatında İngiltərə yığması ilə yarımfinal oyununda iştirak etməyəcək.

AZƏRTAC xəbər verir ki, buna səbəb 26 yaşlı müdafiəçinin Rusiya ilə dörddəbir final matçında zədələnməsidir. Sol dizindən xəsarət alan Vrsalkonun dəqiq bərpa tarixi yaxın günlərdə müəyyənləşəcək.

Daha bir müdafiəçi İvan Striniç və hücumçu Mario Manzukiçin də İngiltərə yığmasına qarşı oyunda meydana çıxmaları sual altındadır. Vəziyyətlərinin ciddi olub-olmadığını müəyyənləşdirmək üçün hər iki oyunçu xəstəxanada həkim müayinəsindən keçəcəklər.

Qeyd edək ki, Xorvatiya millisi dörddəbir final mərhələsində Rusiyanı penaltilər seriyasında (əsas vaxt - 1:1, 4:3) üstələyib. İngiltərə ilə oyun iyulun 11-də “Lujniki” stadionunda keçiriləcək. Digər yarımfinal qarşılaşmasında Fransa ilə Belçika görüşəcək. Final matçı isə iyulun 15-də olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.