ELM VƏ TƏHSİL


Dünya süni intellekt texnologiyaları bazarının həcmi 52,5 milyard dollara çatacaq

Bakı, 17 yanvar, AZƏRTAC 

2022-ci ilədək neyron şəbəkələr əsasında dünya kompüter təlimi və süni intellekt texnologiyaları bazarının həcmi 52,5 milyard dollaradək artacaq. Bu barədə süni intellekt həlləri bazarının təhlilini aparan “Frost & Sullivan” beynəlxalq konsaltinq şirkətinin proqnozunda deyilir.

AZƏRTAC “servernews.ru” saytına istinadən xəbər verir ki, hesabata görə, süni intellekt texnologiyalarının tətbiqi 2030-cu ilədək qlobal məhsul və xidmətlərin həcmini 15,7 trilyon dollar artıracaq.

“Frost & Sullivan” şirkətinin biznesin inkişafı üzrə direktoru Denis Stepanov bildirib ki, süni intellekt yaxın gələcəkdə insanların şəxsi və peşə həyatının ayrılmaz hissəsinə çevriləcək. Bütün böyük sahələrdə süni intellekt tətbiq edilir. İri şirkətlərin süni intellekt texnologiyaları əsasında proqramlar üçün orta illik xərcləri durmadan artır, çünki təşkilatlar kompüter vasitəsilə biznes proseslərini yaxşılaşdırmaqla üstünlüyə nail olmaq istəyirlər.

Hazırda ABŞ süni intellekt layihələrinə investisiyaların məbləği və imzalanmış sazişlərin sayına görə lider olaraq qalır. İkinci və üçüncü yerlərdə isə Çin və Böyük Britaniya qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.