DÜNYA


Dünyanın dəniz üzərində ən uzun avtomobil yol ötürücü-körpüsü istifadəyə verilib VİDEO

Pekin, 23 oktyabr, AZƏRTAC

Çində dünyanın dəniz üzərində ən uzun avtomobil yol ötürücüsü-körpüsü istifadəyə verilib.

AZƏRTAC xəbər verir ki, Çinin cənubundakı Cuxay şəhərini, Honqkonq və Makao xüsusi inzibati ərazilərini birləşdirən yol ötürücüsünün ümumi uzunluğu 55 kilometrdir. Bunun 23 kilometri körpü, 6,7 kilometri tunel, qalan hissəsi isə iki süni ada üzərində yoldur.

İnşasına 2009-cu ilin dekabrında başlanılan ötürücü ötən ilin dekabrında təhvil verilib. Bundan sonra bir neçə sınaq həyata keçirilib.

Əvvəllər Honqkonq, Cuxay və Makao şəhərləri arasında hərəkətə sərf olunan 3 saatlıq müddət bu yol ötürücüsünün vasitəsilə 30 dəqiqəyə enəcək.

Oktyabrın 23-də Çin Xalq Respublikasının Sədri Si Cinpin Cuxay şəhərində yol ötürücüsünün açılış mərasimində iştirak edib.

 

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.