DÜNYA


Dünyanın ən böyük radioteleskopu istifadəyə verilib

Bakı, 14 iyul, AZƏRTAC

Cənubi Afrika Respublikasında dünyanın ən böyük "MeerKAT" radioteleskopu rəsmən istifadəyə verilib.

AZƏRTAC "Belta" resursuna istinadən bildirir ki, rəsmi açılışda Cənubi Afrika Respublikasının vitse-prezidenti Devid Mabuza iştirak edib.

Məlumata görə, unikal elmi kompleks Karu səhrasında (Şimali Keyp əyaləti) Karnarvon şəhərciyi yaxınlığında yerləşir. "MeerKAT" 12-18 metr diametrli 64 antenaya malikdir.

"MeerKAT" dünyada ilk "Square Kilometer Array" (SKA) instrumental astronomik layihəsinin ilk mərhələsidir.

"MeerKAT" radioteleskopunun ümumi dəyəri 2,1 milyard dollara bərabər beynəlxalq "SKA" layihəsində payı 25 faiz təşkil edir. "SKA" konsorsiumuna 10 ölkə daxildir: Kanada, Çin, Böyük Britaniya, Almaniya, İtaliya, Niderland, İsveç, CAR, Yeni Zelandiya və Avstraliya.

Bildirilir ki, layihənin 2024-cü ildə başa çatdırılması nəzərdə tutulur. Yaradılan konstruksiyanın həssaslığı o qədər yüksəkdir ki, 15 parsek (təxminən 49 işıq ili) məsafədən gələn siqnalı qeydə almağa imkan verəcək. Üç minə yaxın antena superkompüterlər vasitəsilə şəbəkədə birləşərək vahid virtual antena – 1 kvadrat kilometr sahəsində "boşqab" yaradacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.