CƏMİYYƏT


Düşənbədə MDB ölkələrinin səhiyyə sahəsində Əməkdaşlıq Şurasının XXX yubiley iclası keçirilib

Düşənbə, 10 noyabr, АZƏRTAC 

Düşənbədə Müstəqil Dövlətlər Birliyi (MDB) ölkələrinin səhiyyə sahəsində Əməkdaşlıq Şurasının XXX yubiley iclası keçirilib.

AZƏRTAC xəbər verir ki, tədbirdə MDB-nin bütün ölkələrindən nümayəndələr iştirak ediblər.

İclasda psixiatriya, onkologiya, endokrinologiya, reproduktiv sağlamlıq, stomatologiya sahələrində əməkdaşlıq məsələləri, MDB ölkələri əhalisinin əmək, məşğulluq və sosial müdafiəsi üzrə Məsləhət Şurası ilə Dünya Səhiyyə Təşkilatının (DST) Avropa regionu dövlətləri arasında əmək şəraitinin qiymətləndirilməsi üzrə birgə fəaliyyət, DST Avropa regionunda qaçqınların və miqrantların sağlamlığı ilə bağlı iş planı, 2020-ci il üçün QİÇS üzrə BMT qərarlarının yerinə yetirilməsi problemləri müzakirə olunub.

Tacikistanın Səhiyyə və Əhalinin Sosial Müdafiəsi naziri Nasim Olimzoda iclasda bildirib ki, Tacikistan MDB ölkələri arasında qarşılıqlı fəaliyyətin gücləndirilməsinin tərəfdarıdır.

İclasda MDB ölkələrində səhiyyənin vəziyyəti müzakirə edilməklə yanaşı, vahid qaydalar əsasında vətəndaşların qonşu respublikalarda səhiyyə yardımı almaq imkanları da araşdırılıb.

Tədbirdə 2019-cu ildə Şurada Tacikistanın sədrlik fəaliyyətinə qiymət verilib, 2020-ci il üçün tədbirlər planı müzakirə edilib.

Qulu Kəngərli

AZƏRTAC-ın xüsusi müxbiri

Düşənbə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.