CƏMİYYƏT


Duz mağarasında yaradılan mühit əsəb sistemini sakitləşdirməyə xidmət edir

Bakı, 3 avqust, AZƏRTAC

Duz terapiyası bronxial-astma, angina, əsəb, stres, allergiya və digər xəstəliklərə qarşı ən qədim müalicə üsuludur. Xüsusi avadanlıq və rahat oturacaqlarla təchiz olunan həmin məkanlarda divarlar və döşəmə qalın duz qatından ibarət olur və bu, öz növbəsində təmiz, mikrobsuz və hipoallergik mühit yaradır.

AZƏRTAC xəbər verir ki, xüsusi aparat halogenerator vasitəsilə gözəgörünməyən dərəcədə kiçik duz dənəsini otağa yayır və nəticədə otaqda mikroiqlim yaradılır. Nisbi rütubət, temperatur və havada duzun miqdarı təbii duz mağarasında olduğu kimidir. Asma xəstələri üçün həmin mağaradakı mühit xüsusilə faydalıdır.

Duz mağarasının üstünlüyü onun natri-xlor ionları ilə zəngin olmasındadır. Burada seansların iki gündən bir qəbul edilməsi daha yaxşıdır. Bir seans 40 dəqiqə davam edir. Mağaradakı mühit əsəb sistemini sakitləşdirməyə xidmət edir.

Duz terapiyası immuniteti gücləndirir, ciyərləri təmizləyir, mikrob və virusları öldürür. Müalicə xəstəlikdən və profilaktikadan asılı olaraq 10, 15, 20 seanslıq kurslara bölünür. Həmin mağarada qəbul edilən müalicə prosedurası xəstəliyə qarşı mübarizə gücünü artırır, xaricdən allergenlər və zəhərli maddələrlə əlaqə kəsilir, orqanizmin fəaliyyəti sürətlənir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.