CƏMİYYƏT


Duz ürəyin fəaliyyəti üçün mühüm vasitədir

Bakı, 14 avqust, AZƏRTAC

Adətən duzun insan orqanizminə həddən artıq mənfi təsir göstərdiyi söylənilir. O, əksər hallarda mayenin bədəndə qalmasına və arterial təzyiqin yüksəlməsinə gətirib çıxarır. Kanadalı ekspertlər isə xörək duzunun zərəri barədə hər gün eşitdiyimiz mülahizələri təkzib edirlər. Onların fikrincə, duzdan orta miqdarda istifadə edilərsə, bu, ürək-damar sistemi üçün faydalı olar.

AZƏRTAC Rusiyanın tibb saytlarına istinadla xəbər verir ki, alimlərin fikrincə, duzun gündəlik miqdarı Dünya Səhiyyə Təşkilatının tövsiyə etdiyi 5 qramdan azacıq artıq olarsa, bundan sağlamlığa ziyan dəyməz. Rasionda duz çatışmazlığı isə, əksinə, infarkt təhlükəsi yaradır.

Bu nəticələr 21 ölkədən 94 mindən çox insanın sidik nümunələri analizinin və digər göstəricilərin yekunları əsasında qeydə alınıb. Məlum olub ki, duzdan çox istifadə edilməsi ilə ürək xəstəlikləri arasında bağlılıq təkcə Çin üçün aktual olub. Ehtimal ki, buna səbəb soyadan hazırlanmış souslardan hər yeməkdə istifadə olunmasıdır (sutkada 12,5 qram duz). Bütövlükdə, ekspertlərin sözlərinə görə, gündə 1 çay qaşığı duzdan istifadə etmək təhlükə doğurmur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.