REGİONLAR


EKTİS-də qeydiyyatdan keçən fermerlərin sayı 335 min 230 nəfərə çatıb

Bakı, 18 sentyabr, AZƏRTAC

Sentyabrın 18-dək Elektron Kənd Təsərrüfatı İnformasiya Sistemində (EKTİS) qeydiyyatdan keçən fermerlərin sayı 335 min 230 nəfərə çatıb.

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildiriblər ki, EKTİS-də ən çox Sabirabad, Xaçmaz, Bərdə, Şəki, Cəlilabad, Tovuz, Saatlı, İmişli və Ağcabədi rayonlarında yaşayan fermerlər qeydiyyatdan keçiblər.

Sabirabadda 15781, Xaçmazda 12812, Bərdədə 12511, Şəkidə 11601, Cəlilabadda 11534, Tovuzda 10968, Saatlıda 10911, İmişlidə 10372, Ağcabədidə 10232 fermer öz aqrar fəaliyyətlərinə dair məlumatları yeni sistemə daxil ediblər.

Ümumilikdə, 245585 fermer torpaq mülkiyyətini təsdiq edən Dövlət Aktı və şəhadətnamə, 69519 fermer Əmlak Məsələləri Dövlət Komitəsinin verdiyi çıxarış, 8265 fermer icarə sənədi, 1353 fermer torpaq sahəsinin planı, 711 fermer etibarnamə, 399 fermer vərəsəlik şəhadətnaməsi əsasında sistemdə qeydiyyatdan keçib. Qalan fermerlər EKTİS-də yaratdıqları şəxsi kabinetə ilkin mərhələdə tələb olunan digər sənədləri əlavə ediblər.

EKTİS-də şəxsi kabinet yaratmaq, məlumatları ardıcıl şəkildə sistemə daxil etmək üçün Dövlət Aqrar İnkişaf mərkəzlərinin əməkdaşları, Aqrar İnkişaf Könüllüləri və “ASAN Könüllülər”i fermerlərə informasiya məsləhət xidməti göstərirlər. Azərbaycanın müxtəlif bölgələrində bu prosesə cəlb olunan DAİM əməkdaşları və könüllülərə Kənd Təsərrüfatı Nazirliyinin əməkdaşları tərəfindən təlimlər keçirilib.

EKTİS sisteminin tətbiqinə Vətəndaşlara Xidmət və Sosial İnnovasiyalar üzrə Dövlət Agentliyi də dəstək verir. Fermerlər DAİM-lərə və “ASAN xidmət” mərkəzlərində yaradılmış xüsusi xidmət pəncərələrinə yaxınlaşaraq EKTİS-in tətbiqi ilə bağlı məsləhət ala bilərlər.

2020-ci ildən Azərbaycanda yeni subsidiya mexanizminin tətbiqi ilə əlaqədar bölgələrdə fermerlərə yeni təlimlərin keçirilməsinə start verilib. Təlimlərdə fermerlərə aqrar sektora dövlət dəstəyinin yeni mexanizmi, Elektron Kənd Təsərrüfatı İnformasiya Sistemində qeydiyyat proseduru, məlumatların daxil edilmə ardıcıllığı barədə məlumatlar verilir.

Qeyd edək ki, gələn ildən etibarən fermerlərə aqrar subsidiyalar EKTİS üzərindən veriləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.