AZƏRTAC-ın xüsusi müxbiri xəbər verir ki, Beslan faciəsindən sonra bağlanan Rusiya-Gürcüstan sərhədinin Lars nəzarət-buraxılış məntəqəsi sentyabrın 16-da iki saat müddətinə açılmış, yalnız Gürcüstan və Rusiya vətəndaşlarının sərhədi keçmələrinə icazə verilmişdir. Buraya toplanmış digər ölkələrin vətəndaşları hələ də sərhədin açılmasını gözləməkdədirlər. Ermənistan vətəndaşı olan 25-dək erməni artıq iki həftədir ki, Larsdan Rusiyaya keçmək istəyir.

Onların hamısı Ermənistanda evini satıb Rusiyaya köçənlərdir. Ermənilər geri qayıtmağa maddi cəhətdən imkanları olmadığını, artıq aclıq keçirdiklərini bildirmiş və müvafiq təşkilatlara lazımi tədbir görmələri xahişi ilə müraciət etmişlər.