İQTİSADİYYAT


ERRA-nın illik konfransında 30-dan artıq ölkədən 200-ə yaxın nümayəndənin iştirakı gözlənilir

Bakı, 21 oktyabr, AZƏRTAC

Oktyabrın 27-28-də Bakıda Enerji Tənzimləyicilərinin Regional Assosiasiyasının (ERRA) investisiyalar və enerji tənzimlənməsi üzrə 13-cü illik konfransı keçiriləcək.

İqtisadiyyat və Sənaye Nazirliyindən AZƏRTAC-a verilən məlumata görə, enerji tənzimlənməsi üzrə əsas beynəlxalq tədbirlərdən hesab olunan konfransda dövlət rəsmilərinin, energetika və su ehtiyatları ilə bağlı qurumların nümayəndələrinin, investorların, bank təmsilçilərinin, məsləhətçilərin iştirakı nəzərdə tutulur. Ümumilikdə tədbirdə 30-dan artıq ölkədən 200-ə yaxın nümayəndənin iştirakı gözlənilir.

Konfransda enerji sektoru, enerji təhlükəsizliyi, bərpa olunan enerjinin yayılması ilə bağlı çağırışlar, enerji bazarlarında istehlakçıların hüquq və səlahiyyətlərinin genişləndirilməsi, su ehtiyatlarının tənzimlənməsi ilə bağlı məruzələr dinləniləcək, mövzular ətrafında müzakirələr aparılacaq.

Məlumatda qeyd edilir ki, Azərbaycan Respublikası Tarif (qiymət) Şurasının da üzv olduğu ERRA Mərkəzi Avropa, Avrasiya, ABŞ, Afrika, Asiya və Yaxın Şərq ölkələrindən olan tənzimləyici qurumların birliyidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.