ELM VƏ TƏHSİL


E-kommersiya proseslərində müasir rəqəmsallaşdırma texnologiyalarının tətbiqi məsələləri araşdırılır

Bakı, 25 aprel, AZƏRTAC

AMEA İnformasiya Texnologiyaları İnstitutunun növbəti onlayn elmi seminarı keçirilib.

İnstitutdan AZƏRTAC-a bildirilib ki, mövzunu təqdim edən institutun magistrantı Ülkər Haqverdiyeva Dördüncü Sənaye İnqilabının ticarət sahəsində rəqəmsallaşma prosesinin sürətlənməsinə, e-ticarətə yönələn satıcı və alıcıların sayının artmasına səbəb olduğunu bildirib.

Azərbaycanda ticarətin inkişaf perspektivlərindən söz açan məruzəçi “azexport.az”, “Azericard”, “E-Manat”, “MilliÖn”, “hesab.az” və s. kimi onlayn ödəniş sistemləri haqqında məlumat verib.

Onun sözlərinə görə, e-ticarət üzrə təqdim edilən xidmətlərin təkmilləşdirilməsində müasir rəqəmsallaşdırma texnologiyalarının tətbiqi bu istiqamətdə müsbət nəticələrin əldə olunmasına imkan verir. E-ticarət proseslərinin rəqəmsallaşdırılmasında sənaye müasir texnologiyalarının tətbiq edilməsi e-ticarət sistemlərinin inkişafında yeni perspektivlərin meydana çıxmasına şərait yaradacaq. Qeyd edilən müasir texnologiyaların Azərbaycanda e-ticarət fəaliyyətinin təkmilləşdirilməsində tətbiqi sayəsində ölkədə e-ticarətin səmərəli inkişafı təmin oluna bilər.

Daha sonra mövzu ətrafında fikir mübadiləsi aparılıb, məruzəçi seminar iştirakçılarının suallarını cavablandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.