CƏMİYYƏT


E-sosial.az portalında qeydiyyatdan keçmiş aktiv istifadəçilərin sayı 852 min, portala müraciətlərin sayı 46 milyon olub

Bakı, 19 fevral, AZƏRTAC

Əmək və Əhalinin Sosial Müdafiəsi Nazirliyinin e-sosial.az portalında qeydiyyatdan keçən aktiv istifadəçilərin sayı artmaqda davam edərək 852 minə çatıb.

Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, 2019-cu ildən istifadəyə verilən, ölkənin sosial reyestri e-sosial.az portalı vətəndaşlara onlar barədə toplanılmış sosial məlumatlara (əmək müqaviləsi, fərdi uçot, pensiya kapitalı, sosial təminat və s. üzrə) çıxış imkanı yaradır.

Vətəndaş özü barədə portalda toplanmış məlumatları daim izləyə, yaranan sosial-əmək hüquqlarının təminatı prosesinə ictimai nəzarəti həyata keçirə bilir. Portal, həmçinin hər kəsə hüquqları yarandığı təqdirdə 100-dən çox sosial xidmət növündən çevik rejimdə yararlanmaq imkanı verir. Portalın “Android” və “İOS” əməliyyat sistemləri də fəaliyyət göstərir ki, bu da vətəndaşların ondan rahat istifadəsinə və portalın daha əlçatan olmasına şərait yaradır.

Bütün bunlar portala müraciətlərin sayının sürətlə artmasını şərtləndirib. Ötən dövrdə portala 46 milyondan çox müraciət qeydə alınıb.

Beynəlxalq internet saytları üzrə istifadə statistikalarını paylaşan alexa.com saytının (ABŞ, San-Fransisko) ötən ilin aprelində açıqladığı “Azərbaycanın top saytları” siyahısında e-sosial.az portalı ölkəmizdə ən çox müraciət olunan saytların ilk beşliyində (google.com, youtube.com, google.az, wikipedia.org saytları ilə birgə) qərar tutmuşdu.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.