CƏMİYYƏT


Ekologiya və Təbii Sərvətlər naziri və müavinləri vətəndaşlarla görüşəcəklər

Bakı, 11 dekabr, AZƏRTAC 

Prezident İlham Əliyevin vətəndaşların təklif, irad və şikayətləri ilə yerində tanış olmaq üçün mərkəzi icra hakimiyyəti orqanlarının rəhbərlərinə verdiyi tapşırıq və tövsiyələrə uyğun olaraq Ekologiya və Təbii Sərvətlər naziri Muxtar Babayev dekabrın 20-də Şirvan şəhərinin və Hacıqabul rayonunun sakinlərini qəbul edəcək.

Ekologiya və Təbii Sərvətlər Nazirliyinin mətbuat xidmətindən AZƏRTAC-a verilən məlumata görə, görüş saat 9:00-da Şirvan şəhərində yerləşən Gənclər Mərkəzində (ünvan: Şirvan şəhəri, Naxçıvan küçəsi, 1B) keçiriləcək.

Elə həmin gün nazir müavinləri Firdovsi Əliyev Saatlı, Rauf Hacıyev isə Sabirabad rayonlarının sakinləri ilə görüşəcəklər.

Vətəndaşların qəbulu saat 9:00-da Saatlı şəhərində yerləşən Gənclər Mərkəzində (ünvan: Heydər Əliyev prospekti) və Sabirabad şəhərində yerləşən Heydər Əliyev Mərkəzində (ünvan: Heydər Əliyev prospekti, 95) keçiriləcək.

Qəbula gəlmək istəyən vətəndaşlardan qeydiyyatdan keçmək üçün [email protected][email protected] elektron poçt ünvanları, nazirliyin 168 saylı “Qaynar xətt”i, həmçinin 3 saylı Regional Ekologiya və Təbii Sərvətlər İdarəsi (ünvan: Şirvan şəhəri, İsmət Qayıbov küçəsi, 16) ilə əlaqə saxlamaları (əlaqə telefonları: 012-585-45-47, 050-387-42-26, 055-459-60-00) xahiş olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.