CƏMİYYƏT


Ekologiya və təbii sərvətlər naziri XII Bakı Yay Enerji Məktəbində çıxış edib

Bakı, 17 iyul, AZƏRTAC

ADA Universitetində təşkil edilən XII Bakı Yay Enerji Məktəbində ekologiya və təbii sərvətlər naziri Muxtar Babayev iyulun 16-da “Qlobal iqlim dəyişməsinin Xəzər hövzəsinə təsiri” mövzusunda təqdimatla çıxış edib.

Ekologiya və Təbii Sərvətlər Nazirliyinin mətbuat xidmətindən AZƏRTAC-a verilən xəbərə görə, tədbirdə iqlim dəyişmələrinin səbəbləri, qlobal və regional təzahürləri, iqlim dəyişmələrinə təsirlərin azaldılmasına yönələn fəaliyyətlər və mümkün uyğunlaşma tədbirləri, eyni zamanda, ölkənin Paris razılaşmasına dair milli öhdəliklərinin yerinə yetirilməsi mövzusu ətrafında fikir mübadiləsi aparılıb və suallar cavablandırılıb.

Xatırladaq ki, XII Bakı Yay Enerji Məktəbi iyulun 9-da ADA Universitetində Xəzər Enerji və Ətraf Mühit Mərkəzinin, SOCAR və “BP Azerbaijan”nın dəstəyi ilə açılıb. Məktəbə bu il 12 ölkədən – ABŞ, Türkiyə, Böyük Britaniya, Estoniya, Latviya, Niderland, İordaniya, İsrail və başqa dövlətlərdən 35 iştirakçı cəlb olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.