DÜNYA


Ekspertlər Rusiya prezidenti vəzifəsinə mümkün namizədlərin reytinqini tərtib ediblər

Moskva, 21 avqust, AZƏRTAC

Rusiyanın “Peterburqskaya Politika” Fondunun ekspertləri Prezident Vladimir Putinin bu vəzifədə varislərinin reytinqini tərtib ediblər. Siyahıya Rusiya hökumətinin sədri Dmitri Medvedev və Moskva meri Sergey Sobyanin başçılıq edir. Üçüncü və dördüncü yerlərdə Tula vilayətinin qubernatoru Aleksey Dyumin və müdafiə naziri Sergey Şoyqudur.

Federasiya Şurasının sədri Valentina Matviyenko, Rusiya Prezidenti Administrasiyasının rəhbəri Anton Vayno, Dövlət Dumasının spikeri Vyaçeslav Volodin də siyahıya daxil edilib.

Çeçenistanın başçısı Ramzan Kadırov reytinqdə 13-cü, Korrupsiya ilə Mübarizə Fondunun rəhbəri Aleksey Navalni 18-ci yerdədir.

“Kommersant” qəzeti yazır ki, siyahı tərtib olunarkən siyasətçilərin nailiyyətləri və uğursuzluqları, ictimaiyyət arasında nüfuzu, fəallığı, ölkə Prezidenti ilə görüşlərinin müntəzəmliyi və digər məsələlər nəzərə alınıb.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.