Elazığda bir aylıq fasilədən sonra məktəblər açılır

Ankara, 23 fevral, AZƏRTAC

Türkiyənin Elazığ bölgəsində zəlzələ dağıntıları və risklər səbəbindən bağlı olan məktəblər bir aylıq fasilədən sonra fevralın 24-də fəaliyyətə başlayacaq.

AZƏRTAC xəbər verir ki, bu barədə Türkiyənin Milli Təhsil naziri Ziya Səlçuk məlumat verib.

Xatırladaq ki, yanvarın 24-də Türkiyənin Elazığ şəhərində Rixter cədvəli üzrə 6,8 bal gücündə zəlzələ baş verib. Təbii fəlakət zamanı həlak olanların sayı 41-ə çatıb. Dağıntılar altından 45 nəfər sağ çıxarılıb.

Sabir Şahtaxtı

AZƏRTAC-ın xüsusi müxbiri

Ankara