İDMAN


Elçin Əsədov: Doğma Şuşamızın adını daşıyan möhtəşəm turnirdə iştirakdan qürur duyuram VİDEO

Bakı, 9 iyul, AZƏRTAC

Doğma Şuşamızın adını daşıyan “Əziz Şuşa” beynəlxalq velosiped yarışı kimi möhtəşəm turnirdə iştirakdan qürur duyuram.

Bu sözləri “Əziz Şuşa” beynəlxalq velosiped yarışı zamanı jurnalistlərə müsahibəsində Azərbaycan millisinin və Türkiyənin "Sakarya BB Pro Team" kontinental klubunun üzvü Elçin Əsədov bildirib. O qeyd edib ki, yarışın birinci mərhələsinin qalibi olmaq çox gözəl hissdir.

“Əziz Şuşamıza 30 ildən sonra qayıtmaq və orada keçirilən yarışda iştirak etmək bizi sözlə ifadə edilməyəcək dərəcədə sevindirir. Allah şəhidlərimizə rəhmət eləsin, qazilərimizə cansağlığı versin. Əsgərlərimiz dağlardan, dərələrdən, sıldırım qayalardan keçərək, qayalara yalın əllə dırmaşaraq bu qədim Azərbaycan şəhərini işğalçılardan azad etdilər. Biz isə doğma diyarımıza velosipedlə gedəcəyik. Çalışacağıq ki, yarışda qalib gəlib Azərbaycan bayrağını ucaldaq”, - deyə Elçin Əsədov əlavə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.