İDMAN


Eldar Əliyev: Rəqiblərimiz güclü olsa da, sonadək mübarizə aparacağıq

Bakı, 18 iyul, AZƏRTAC

Rəqiblərimiz güclü ola bilər, amma biz də sonadək mübarizə aparacaq və gözəl oyun göstərməyə çalışacağıq.

Bu fikri Avropa Gənclər Olimpiya Festivalında iştirak edəcək oğlanlardan ibarət milli komandanın baş məşqçisi Eldar Əliyev AZƏRTAC-a müsahibəsində söyləyib.

Eldar Əliyev voleybolçularımızın hazırlığı barədə deyib: “Voleybol üzrə gənc oğlanlardan ibarət milli komandamız iyulun 22-də Avropa Gənclər Olimpiya Festivalında ilk oyununa çıxacaq. Oyunların başlanmasına çox az vaxt qalıb. Gündə iki dəfə məşq edirik. Rəqiblərimiz bəllidir, çətin və maraqlı oyunlar bizi gözləyir”.

Müsahibimiz, həmçinin xatırladıb ki, festivalda iştirak edən voleybol komandalarını Avropa Voleybol Federasiyası təyin edib və bu komandalar Avropa reytinq cədvəlində ilk yeddilikdədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.