İQTİSADİYYAT
Elektrik enerjisi, qaz və buxar istehsalı sektorunda istehsal 3,5 faiz artıb
Bakı, 23 yanvar, AZƏRTAC
2019-cu ildə elektrik enerjisi, qaz və buxar istehsalı, bölüşdürülməsi və təchizatı sektorunda 1 milyard 981,5 milyon manatlıq məhsul istehsal olunub və xidmətlər göstərilib.
Dövlət Statistika Komitəsindən AZƏRTAC-a bildirilib ki, əvvəlki illə müqayisədə 3,5 faizlik artım müşahidə olunub.
Ötən il su təchizatı, tullantıların təmizlənməsi və emalı sektorunda istehsal olunmuş məhsulların həcmi 6 faiz artaraq 328,4 milyon manat təşkil edib.
İl ərzində sənaye məhsulunun 4,2 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,7 faizi isə su təchizatı, tullantıların təmizlənməsi və emalı sektorunda istehsal olunub.
Dekabrda elektrik enerjisi, qaz və buxar istehsalı, bölüşdürülməsi və təchizatı və su təchizatı, tullantıların təmizlənməsi və emalı sahələri üzrə sənaye məhsullarının istehsalçı qiymətləri indeksi əvvəlki ayla müqayisədə 100 faiz təşkil edib.