CƏMİYYƏT


Elektron Xidmətlərin Təşviqi üzrə İctimai Şuranın növbəti toplantısı keçirilib

Bakı, 20 aprel, AZƏRTAC

Azərbaycan Respublikasının Prezidenti Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Elektron Hökumətin İnkişafı Mərkəzində Elektron Xidmətlərin Təşviqi üzrə İctimai Şuranın növbəti toplantısı keçirilib.

Agentliyin mətbuat xidmətindən AZƏRTAC-a verilən məlumata görə, toplantıda Vətəndaşlara Xidmət və Sosial İnnovasiyalar üzrə Dövlət Agentliyinin, Ekologiya və Təbii Sərvətlər Nazirliyinin, həmçinin İctimai Şuranın nümayəndələri iştirak ediblər.

Tədbirdə Ekologiya və Təbii Sərvətlər Nazirliyinin rəsmi internet səhifəsinin ilkin təqdimatı olub, onun imkanları və görülmüş işlər barədə ətraflı məlumat verilib.

Sonra geniş fikir mübadiləsi aparılıb, tədbir iştirakçılarını maraqlandıran suallar cavablandırılıb, saytın təkmilləşdirilməsi ilə əlaqədar təkliflər bildirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.