ELM VƏ TƏHSİL


Elektron elm mühitinə kiberfiziki sistemlərin inteqrasiyası məsələləri tədqiq edilib

Bakı, 20 iyul, AZƏRTAC

AMEA-nın İnformasiya Texnologiyaları İnstitutunda elektron elm mühitinə kiberfiziki sistemlərin inteqrasiyası məsələləri tədqiq edilib.

İnstitutdan AZƏRTAC-a bildirilib ki, bu barədə növbəti elmi seminarda şöbə müdiri Şakir Mehdiyev məlumat verib. O, şəbəkə mühitində texniki nasazlıqların diaqnostikası üçün ekspert sistemləri yaradılmasının arxitektura-texnoloji prinsiplərinin işlənildiyini, bu sistemlərin model və metodlarının analiz edildiyini, eləcə də elektron elm mühitinə kiberfiziki sistemlərin inteqrasiyası məsələlərinin tədqiq olunduğunu qeyd edib. Şakir Mehdiyev texniki sistemlərdə diaqnostika aparıldığını, simsiz şəbəkə sistemlərinin müasir vəziyyəti və inkişaf tendensiyalarının, mikroprosessor arxitekturasında istifadə olunan yeni yanaşmaların araşdırıldığını diqqətə çatdırıb.

Sonra hesabata dair müzakirələr aparılıb, sual və təkliflər səsləndirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.