Bakı, 18 iyun, A.Həsənova, K.Əliyeva, AZƏRTAC

Bakı Hollandiyadan çox uzaq olsa da özümü doğma şəhərimdəki kimi hiss edirəm.

Bu sözləri AZƏRTAC-a müsahibəsində birinci Avropa Oyunlarının hollandiyalı qızıl medalçısı, şose velosipedi üzrə dünya çempionu Ellen Van Deyk deyib.

Hollandiyalı idmançı bildirib: "Biz birinci Avropa Oyunlarının tarixini yazırıq. Mən Olimpiya Oyunlarında dəfələrlə iştirak etmişəm. Əminliklə deyə bilərəm ki, Bakıda Oyunlar mükəmməl təşkil olunub. Buradakı ab-hava London Olimpiya Oyunlarında olduğu kimidir. Mən bu möhtəşəm idman tədbirinin iştirakçısı olduğum üçün çox şadam. Bakı Hollandiyadan çox uzaq olsa da özümü doğma şəhərimdəki kimi hiss edirəm”.