ELM VƏ TƏHSİL
“Elm və həyat” jurnalının redaksiya heyətinin yeni tərkibi təsdiqlənib
Bakı, 14 fevral, AZƏRTAC
Azərbaycan Milli Elmlər Akademiyasının (AMEA) “Elm və həyat” jurnalının zəngin ənənələrinin müasir dövrün elmi-kütləvi nəşr tələblərinə uyğun, yüksək poliqrafik tərtibatda davam etdirilməsi məqsədilə redaksiya heyətinin tərkibində dəyişiklik edilib.
AMEA-dan AZƏRTAC-a bildirilib ki, bu barədə qərar akademiyanın Rəyasət Heyətinin fevralın 14-də keçirilən iclasında verilib.
Qeyd edək ki, 1961-ci ildən nəşr olunan “Elm və həyat” jurnalı öz səhifələrində dünyanın və Azərbaycanın görkəmli alimlərinin elmi əsərlərinin nəticələrinin işıqlandırılmasına, elmi nəticələrin həyat və cəmiyyətin inkişafı ilə əlaqələndirilməsinə, gənc alimlərin apardığı elmi işlərin nəticələrinin təbliğinə geniş yer ayırmaqla, bütün dünyada ənənə halını almış elmin populyarlaşdırılmasına layiqli töhfələrini verib.