Elm və təhsil naziri İsmayıllıda vətəndaşlarla görüşüb

Bakı, 26 may, AZƏRTAC

Mayın 26-da elm və təhsil naziri Emin Əmrullayev İsmayıllıda vətəndaşları qəbul edib. qəbulda İsmayıllı, Ağsu, Şamaxı və Qobustan rayon sakinləri iştirak ediblər.

Bu barədə AZƏRTAC-a Elm və Təhsil Nazirliyindən məlumat verilib. Bildirilib ki,qəbuldan əvvəl Ulu Öndər Heydər Əliyevin abidəsi ziyarət edilib, önünə gül dəstələri düzülüb.

Qəbulda vətəndaşlar, əsasən, müəllimlərin işə qəbulu, xarici diplomların tanınması, həmçinin digər məsələlərlə bağlı müraciətlər ediblər.

Elm və təhsil naziri qəbula yazılmış vətəndaşları diqqətlə dinləyib, hər bir müraciətin operativ şəkildə araşdırılması, qaldırılan məsələlərin qanunvericiliyə uyğun həlli istiqamətində nazirliyin aidiyyəti qurumlarının rəhbərlərinə tapşırıqlar verib.