ELM VƏ TƏHSİL


Elmi-metodik seminarda 7-ci sinif “Fizika” dərsliyinin müzakirəsi aparılıb

Bakı, 16 yanvar, AZƏRTAC 

Dövlət İmtahan Mərkəzində (DİM) yanvarın 16-da fizika fənni üzrə hazırlıq kursunun ilk dərsi və elmi-metodik seminar keçirilib.

DİM-dən AZƏRTAC-a bildirilib ki, hazırlıq kursunda moderator Sona Hacılı fənn kurikulumunun məzmunu, mahiyyəti və strukturuna aid təqdimatla çıxış edib, iştirakçıların suallarını cavablandırıb.

Seminarda isə gündəlik məsələ 7-ci sinif “Fizika” dərsliyinin müzakirəsi olub. Müzakirədə Bakı, Sumqayıt şəhərlərinin ümumtəhsil və ali təhsil müəssisələrinin müəllimləri, metodistlər, AMEA-nın müvafiq sahə üzrə mütəxəssisləri iştirak ediblər.

Dərsliyin məzmunu haqqında Bakı şəhəri 9 nömrəli tam orta məktəbin müəllimi Sona Hacılı çıxış edib. Həmin məktəbin müəllimi Sevda Qadaşova, ATU-nun əməkdaşı Elşən Həsənov, Bakı şəhəri 27 nömrəli tam orta məktəbin müəllimi Fəridə Babazadə və başqaları dərsliyin məzmunu, dil və yazı üslubu, faktların elmiliyi haqqında qeyd və təkliflərini bildiriblər. Müzakirə nəticəsində dərslikdəki mübahisəli məqamlar, səhvlər və uyğunsuzluqlar barədə tövsiyə hazırlanması, tövsiyənin test bankının təkmilləşdirilməsində və yeni tapşırıqların tərtibində nəzərə alınması haqqında qərar qəbul olunub.

Növbəti seminarda 8-ci sinif “Fizika” dərsliyinin müzakirəsi aparılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.