CƏMİYYƏT


Elmi-praktik konfrans tireodologiyada yeniliklər mövzusuna həsr olunub

Bakı, 18 fevral, AZƏRTAC

Bakıda Əziz Əliyev adına Azərbaycan Dövlət Həkimləri Təkmilləşdirmə İnstitutu (ADHTİ) , Avropa Tireodologiya Assosiasiyası, Azərbaycan Respublikası Endokrinologiya, Diabetologiya və Terapevtik Təlimat Assosiasiyasının təşkilatçılığı ilə "Tireodologiyada yeniliklər" mövzusunda elmi-praktiki konfrans keçirilib.

İnstitutun mətbuat xidmətindən AZƏRTAC-a verilən məlumata görə, konfransda Respublika Endokrinoloji Mərkəzinin direktor müavini Babək-Salek Qənnadi “Azərbaycan Respublikasında tiroid vəzinin xəstəliklərinin probleminə dair”, professor Goerge Kahaly (Almaniya) “Tiroid vəzinin və autoimmun xəstəliklərin qarşılıqlı əlaqəsi”, professor Əziz Əliyev (Azərbaycan) “Azərbaycan Respublikasında tiroid xərçəngi probleminin vəziyyəti haqqında” mövzusunda məruzə edib.

ADHTİ-də terapiya kafedrasının müdiri, tibb elmləri doktoru Valeh Mirzəzadə və assistenti Aygün Hüseynovanın “Dünyada və Azərbaycanda tireodologiya tarixi” mövzusunda çıxışı konfrans iştirakçılarının diqqətinə çatdırılıb. Professor Cris Poppe (Belçika) “Tiroid vəzinin və qadın sonsuzluğu”, professor Petros Perros (İngiltərə) “Subklinik tiroid disfunksiyası və təsadüfən tiroid nodülləri” və tibb üzrə fəlsəfə doktoru Səbinə Orucova “Hipertireoz sindromu” mövzusunda məruzə ediblər.

Məruzələr ətrafında müzakirələr aparılıb, suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.