ELM VƏ TƏHSİL


Elmi seminar: Müasir geosiyasi dəyişikliklər fonunda maliyyə səmərəliliyinin yüksəldilməsi

Bakı, 11 may, AZƏRTAC

Azərbaycan Dövlət İqtisad Universitetinin (UNEC) Maliyyə və mühasibat fakültəsində Azərbaycan xalqının ümummilli lideri Heydər Əliyevin anadan olmasının 99-cu ildönümünə həsr edilən “Müasir geosiyasi dəyişikliklər fonunda maliyyə səmərəliliyinin yüksəldilməsi və mühasibat uçotunun təşkili problemləri” mövzusunda elmi seminar keçirilib.

Tədbirdən öncə ümummilli lider Heydər Əliyevin əziz xatirəsi bir dəqiqəlik sükutla yad edilib.

UNEC-dən AZƏRTAC-a bildirilib ki, Maliyyə və maliyyə institutları kafedrasının müdiri professor Əvəz Ələkbərov çıxış edərək ulu öndər Heydər Əliyevin hakimiyyətə gəlişi, yüksək insani keyfiyyətləri, dövləti idarəetmə bacarığı ilə bağlı xatirələrini bölüşüb.

Elmi seminarda tələbələr “Qarabağda xarici və yerli investisiya”, “Geosiyasi dəyişikliklər fonunda maliyyə bazarlarının inkişafı”, “Kommersiya təşkilatının maliyyə-təsərrüfat fəaliyyətinin risklərinin idarəetmə uçotunun informasiya-analitik təminatı”, “İnflyasiya və ona qarşı görülməli olan tədbirlər”, “Maliyyə bazarlarında risklərin idarə edilməsi”, “İşğaldan azad edilmiş ərazilərdə maliyyə səmərəliliyinin yüksəldilməsi istiqamətləri”, “Ölkəmizdə turizm iqtisadiyyatının inkişafının maliyyə problemləri və təkmilləşdirilməsi istiqamətləri” və “Heydər Əliyev antiinflyasiya tədbirlərinin banisidir” mövzuları üzrə çıxış ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.