İQTİSADİYYAT


Emitent kalkulyatoru istifadəyə verilib

Bakı, 11 oktyabr, AZƏRTAC

Bakı Fond Birjasının (BFB) rəsmi internet səhifəsində qiymətli kağızların buraxılışı və listinqdə saxlanılma xərclərinin hesablanması üzrə emitentin kalkulyatoru istifadəyə verilib.

BFB-dən AZƏRTAC-a bildirilib ki, emitentin kalkulyatoru vasitəsilə birjada və birjadankənar olmaqla qiymətli kağızın buraxılışı zamanı və onların tədavüldə qaldığı müddətdə yaranan xərclərin hesablanması nəzərdə tutulub. Əlavə olaraq, qiymətli kağızların buraxılışı zamanı və həmin qiymətli kağızların dövriyyədə qaldığı müddət ərzində yaranan xərclər buraxılış növləri üzrə müqayisəli şəkildə əks etdirilir.

Hesablamanın düzgün aparılması üçün qiymətli kağızın növü, buraxılış həcmi, listinqdə saxlanılma müddəti, bazar seqmenti ilə bağlı dəyərlərin daxil edilməsi vacibdir.

Emitentin kalkulyatoru bölməsi “bfb.az” saytının listinq bölməsində yerləşdirilib. Qeyd olunmuş linkdən keçid edə bilərsiniz: https://www.bfb.az/az/emitentin-kalkulyatoru

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.