İQTİSADİYYAT


Energetika Nazirliyi və “Equinor” külək enerjisi potensialının reallaşdırılması istiqamətində əməkdaşlığı genişləndirmək istəyir

Bakı, 23 oktyabr, AZƏRTAC

Energetika naziri Pərviz Şahbazov “Equinor” şirkətinin Rusiya və Azərbaycan üzrə baş vitse-prezidenti, Rusiya üzrə rəhbər Tore Losetin başçılıq etdiyi nümayəndə heyəti ilə görüşüb.

Energetika Nazirliyindən AZƏRTAC-a bildirilib ki, görüşdə şirkət tərəfindən Azərbaycanda həyata keçirilən layihələr və əməkdaşlıq perspektivləri barədə müzakirələr aparılıb.

“Equinor” şirkətinin ölkəmizdə uzunmüddətli fəaliyyətindən bəhs edilib, Xəzər dənizinin Azərbaycan sektorunda Qarabağ neft yatağının işlənməsi üzrə uğurlu əməkdaşlıq təqdir edilib. Şirkətin enerji transformasiyası prosesində roluna və bərpa olunan enerji sahəsindəki fəaliyyətinə də toxunulub. Formalaşmış uğurlu əməkdaşlığın bərpa olunan enerji sahəsində, xüsusilə ölkəmizin dənizdə külək enerjisi potensialının reallaşdırılması istiqamətində genişləndirilməsinin mümkünlüyü qeyd edilib. Şirkətlə təcrübə və məlumat mübadiləsi sahəsində həyata keçirilən tədbirlərin davam etdirilməsi razılaşdırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.