REGİONLAR


Energetika naziri və müavinləri Xaçmaz, Quba və Siyəzəndə vətəndaşları qəbul edəcəklər

Bakı, 13 iyun, AZƏRTAC

İyunun 28-də Energetika naziri Pərviz Şahbazov Xaçmaz şəhərində Xaçmaz və Şabran rayonlarından olan vətəndaşları qəbul edəcək.

Nazirlikdən AZƏRTAC-a bildirilib ki, qəbul saat 10:00-da Energetika Nazirliyinin tabeliyində olan Enerji Məsələlərini Tənzimləmə Agentliyinin Xaçmaz filialının inzibati binasında (ünvan: Xaçmaz şəhəri, Heydər Əliyev prospekti 17A) keçiriləcək.

Həmin gün, həmçinin Energetika nazirinin müavini Samir Vəliyev Quba şəhərində Quba və Qusar rayonlarının sakinləri, nazir müavini Elnur Soltanov isə Siyəzən şəhərində Siyəzən və Xızıdan olan yerli sakinlər ilə görüşəcək. Vətəndaşların qəbulu saat 10:00-da Qubadakı Heydər Əliyev Mərkəzində (ünvan: Quba şəhəri, Heydər Əliyev adına mədəniyyət və istirahət parkı) və Siyəzəndəki Heydər Əliyev Mərkəzində (ünvan: Siyəzən şəhəri, Heydər Əliyev küçəsi 90) keçiriləcək.

Qəbula gəlmək istəyən vətəndaşlar qeydiyyatdan keçmək üçün Energetika Nazirliyinin [email protected] elektron poçt ünvanı, 598-16-53/54 (daxili 1145, 1146, 1147) nömrəli telefon (əlaqələndirici şəxs Azər Rzayev), nazirliyin “974” Çağrı mərkəzi, 598-16-55 “qaynar xətt”i, həmçinin Enerji Məsələlərini Tənzimləmə Agentliyinin Xaçmaz filialı (əlaqələndirici şəxs Xəyyam Aydınov, əlaqə telefonları: (+99423) 325-12-38, (050) 305-51-67, (055) 721-68-30, elektron poçt ünvanı: [email protected]) vasitəsilə müraciət edə bilərlər.

Bununla yanaşı, vətəndaşlar Energetika Nazirliyinin www.minenergy.gov.az internet səhifəsində yaradılmış “Qəbula yazılmaq” bölməsi və nazirliyin “Facebook” səhifəsi vasitəsilə qəbula yazıla bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.