İDMAN


Erməni əsilli gimnastlar: Bakı gözəl şəhərdir, insanlar çox ünsiyyətcil və həyatsevərdirlər VİDEO

Bakı, 24 may, AZƏRTAC

Mayın 24-də Bakıda, Milli Gimnastika Arenasında start götürən aerobika gimnastikası üzrə 11-ci Avropa çempionatının iştirakçıları arasında Rusiyanı təmsil edən erməni əsilli Qarsevan Canazyan və Duxik Canazyan da var.

AZƏRTAC xəbər verir ki, bacı-qardaş olan gimnastlar Bakıda jurnalistlərə açıqlamalarında ölkəmizdə heç bir təzyiqlə üzləşmədiklərini bildiriblər.

Bakıda tam təhlükəsiz olduqlarını vurğulayan Qarsevan Canazyan deyib: “Hər şey çox yaxşıdır, təhlükəsizdir. Burada hər şey bizi qane edir və heç bir təzyiq yoxdur. Bakı çox gözəl şəhərdir, insanlar çox ünsiyyətcil və həyatsevərdirlər”.

Duxik Canazyan isə çempionatın yüksək səviyyədə təşkil olunduğunu qeyd edərək bildirib: “Həm yarış üçün yaradılan şərait, həm də təhlükəsizlik baxımından təşkilatçılıq əladır. İdman və məşq zalları mükəmməldir. Burada əsl idman əhval ruhiyyəsi var. Yerli əhali çox mehribandır, müraciət edəndə hamı kömək etməyə çalışır”.

Xatırladaq ki, üç gün davam edəcək çempionatda 22 ölkədən 400-ə yaxın böyük və gənc gimnast fərdi, qarışıq cütlük, üçlük, qrup, həmçinin aerodans, aerostep (yalnız böyüklər) proqramında yarışacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.