Bakı, 9 dekabr, AZƏRTAC 

Dekabrın 8-də axşam saatlarında erməni kəşfiyyat-təxribat qrupları cəbhənin cənub istiqamətində təmas xəttini keçməyə cəhd göstəriblər.

Müdafiə Nazirliyinin mətbuat xidmətindən AZƏRTAC-a bildiriblər ki, Azərbaycan Silahlı Qüvvələri bölmələrinin sayıqlığı və görülən qabaqlayıcı tədbirlər nəticəsində kəşfiyyat-təxribat qrupları zərərsizləşdirilib. Şiddətli atışma zamanı çoxsaylı itki verən ermənilər geri çəkilməyə məcbur edilib.

Azərbaycan Silahlı Qüvvələri tərəfindən heç bir itki yoxdur, cəbhə boyu vəziyyətə tam nəzarət edilir.