CƏBHƏ XƏBƏRLƏRİ


Erməni terroru davam edir: düşmən Gəncədə yenə dinc sakinləri hədəf aldı - AZƏRTAC hadisə yerindən xəbər verir VİDEO

Gəncə, 17 oktyabr, M.Əlioğlu, foto İ.Cəfərov, AZƏRTAC

Ermənistan silahlı qüvvələri Azərbaycanın ikinci ən böyük şəhəri olan Gəncəni növbəti dəfə raket atəşinə tutub, dinc sakinlər arasında ölən və yaralananlar var.

AZƏRTAC-ın bölgəyə ezam olunmuş müxbiri xəbər verir ki, düşmənin silahlı qüvvələrinin gecə saat 1 radələrində Gəncənin mərkəzi hissəsində yerləşən Cavadxan qəsəbəsini raket atəşinə tutması nəticəsində şəhər sakinlərindən ilkin məlumata görə 5 nəfər həlak olub, 35 nəfər yaralanıb. Mülki obyektlərə və infrastruktura ciddi ziyan dəyib.

Yaralılar xəstəxanalara çatdırılıb, dağıntılar altında qalanların olduğu ehtimal edilir.

Hazırda mülki şəxslərin xilas edilməsi işləri aparılır.

Qeyd edək ki, Ermənistan ordusu oktyabrın 11-də də cəbhə zonasından kənarda yerləşən, Azərbaycan Respublikasının ikinci böyük şəhəri olan Gəncəni hədəf almışdı. Düşmənin məqsədli şəkildə şəhərin mərkəzi hissəsində yerləşən çoxmənzilli yaşayış binalarını ağır artilleriyadan – “Skad” raketlərindən atəşə tutması nəticəsində 5-i qadın olmaqla, 10 nəfər həlak olmuşdu. Həmçinin 10-u qadın, 9-u azyaşlı olmaqla, 40-dək insan yaralanmışdı. Ondan artıq çoxmənzilli binaya və 100-dən çox müxtəlif təyinatlı obyektə ziyan dəymişdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.